Инвестициялық бағдарламасы

Компанияның инвестициялық бағдарламасы ең алдымен сыртқы инвесторлардың қаражатын тартудың есебінен өз инвестицияларының тиімділігін арттыруға бағытталған.

Компанияның ұзақ мерзімді және орташа мерзімді кезеңдердегі басым бағыттарының бірі – қолда бар энергетикалық көздерді қалпына келтіру және кеңейту арқылы «ПАВЛОДАРЭНЕРГО» АҚ кәсіпорындарында инвестициялық бағдарламаны іске асыру. Бұл қуат өндіретін кәсіпорындар қуатының белгіленген және іс жүзіндегі көлемдерін жоғарылатуға, станциялар жұмысының сенімділігін арттыруға, өз қажеттіктеріне жұмсалатын қуаттың көлемін азайтуға, шығарылатын ластаушы заттардың көлемін төмендетуге мүмкіндік береді.

Инвестициялық бағдарлама екі негізгі бағытта жүзеге асырылады, олар: қолда бар жабдықты жөндеу арқылы оның жұмыс істеуге жарамды күйін қамтамасыз ету және генерациялау көздерінің белгіленген қуатын арттыру үшін жаңа жабдықтар алу.

«ПАВЛОДАРЭНЕРГО» АҚ-ның инвестициялық бағдарламасы 2018 жылға дейін созылады. Оның негізгі бағыттары:

  • қазіргі заманғы жаңа жабдықты орнату және қолда бар жабдықты жөндеу арқылы генерациялауды арттыру;
  • жылу және электр қуатын тасымалдаған кезде шығындарды азайту мақсатында қуат беретін ұйымдардың негізгі қорларын жаңарту;
  • Компания қызметінің экологиялық параметрлерін жетілдіруді қамтамасыз ететін жобалар.

«Электр энергетикасы туралы» ҚР Заңына сәйкес Индустрия және жаңа технологиялар министрлігі мен «ПАВЛОДАРЭНЕРГО» АҚ-ның арасында 2010 жылы 5,4 млрд. теңгемөлшердегі соманы, 2011 жылы 5,8 млрд. теңгемөлшердегі соманы көздейтін «Инвестициялық міндеттемелер туралы» келісім жасалды. «Шекті тарифтерді бекіту туралы» Үкімет қаулысының аясында технологиялық паркті жаңарту мақсатында Компания өзіне инвестициялық міндеттемелерді алады. Жалпы 2012 жылдан бастап 2018 жылға дейінгі кезеңде «ПАВЛОДАРЭНЕРГО» Компаниясы жалпы сомасы шамамен алғанда 96,04 млрд. теңге болатын инвестициялық қаражат салуды жоспарлап отыр.

Инвестициялық бағдарлама екі негізгі бағытта жүзеге асырылады, олар: қолда бар жабдықты жөндеу арқылы оның жұмыс істеуге жарамды күйін қамтамасыз ету және генерациялау көздерінің белгіленген қуатын арттыру үшін жаңа жабдықтар алу.  

Инвестициялық бағдарламаны іске асыру қорытындылары бойынша 2018 жылға дейін «ПАВЛОДАРЭНЕРГО» АҚ-ның генерациялайтын кәсіпорындарындағы жабдықтың тозуын 35-40%-ға қысқарту көзделіп отыр. Компанияда бекітілген инвестициялық бағдарламаға сай 2009 жылдағы көрсеткіштерге қарағанда, электр қуатын өндіру 971,078 млн. кВтсағ. бірлігіне немесе 25,7%-ға ұлғайтылмақ. Шығарылатын жылу қуатының көлемі 1181 тыс. Гкал немесе 25,8 %-ға көбейтіледі.2009 жылдан бастап 2018 жылға дейінгі кезеңде белгіленген электр қуатын 562 МВт-тан 830 МВт-қа дейін 268 МВт-қа арттыру, ал жылу қуатын 1912 Гкал/сағ. мөлшерінен 2372 Гкал дейін, яғни 460 Гкал/сағ. бірлігіне ұлғайту жоспарланып отыр;

2009 жылдан бастап 2011 жылға дейінгі кезеңдегі инвестициялар.

2009 жылдан бастап 2011 жылға дейінгі кезеңде «ПАВЛОДАРЭНЕРГО» Компаниясы инвестициялық бағдарламалардың, сондай-ақ Индустрия және жаңа технологиялар министрлігімен жасалған инвестициялық келісімдердің аясындағы іс-шараларды іске асыруға бағыттаған инвестицияларының көлемі 18,5 млрд. теңгені құрады, соның ішінде: «ПАВЛОДАРЭНЕРГО» АҚ-ның Павлодарлық ЖЭО-2 және ЖЭО-3 кәсіпорындарында – 15,1 млрд. теңге, «Павлодар Электржелістік Тарату Компаниясы» АҚ (Павлодар ЭТК) кәсіпорнында – 1,4 млрд. теңге, «Павлодарские тепловые сети» ЖШС (ПТС) кәсіпорнында – 2 млрд. теңге шамасында.  

Инвестициялық салымдар:

  • жаңа құрылысқа,
  • қолда бар объектілерді қалпына келтіруге және жаңартуға,
  • экология жөніндегі іс-шараларға,
  • қуатты үнемдеу жөніндегі іс-шараларға бағытталды.
2009-2011 жылдардағы іс-шаралар
  • 2009 жылғы мамыр айында Екібастұздық ЖЭО кәсіпорнының №1 станциясында турбина пайдалануға енгізілді. Р-12-3,4/0,5М турбинасы белгіленген электрлік қуаты 12 МВт болатын жылу тұтыну арқылы электр қуатын өндіруге арналған. Бұл шараның арқасында станцияның өз қажеттіктеріне өндірілетін электр қуатын пайдалануға, басқа жақтан сатып алынатын электр қуатының көлемін азайтуға қол жеткізілді.
  • 2009-2011 жылдары ЖЭО-2, ЖЭО-3, ЭЖЭО кәсіпорындарында екінші буынды батареялық эмульгаторларды орнату арқылы күлтұтқыш құрылғыларды (КҚ) қалпына келтіру жұмыстары жүргізілді. ЖЭО-2 кәсіпорнында күлтұтқыш құрылғыларүш қазандық агрегатына (№№ 2, 4, 5 станциялар), ЖЭО-3 кәсіпорнында төрт қазандық агрегатына (№№ 3, 4, 5, 6 станциялар), ЭЖЭО кәсіпорнында үш қазандыққа (№№ 7, 8, 9 станциялар) орнатылды. Жүргізілген іс-шаралар атмосфераға шығарылатын ластаушы заттардың көлемін азайтуға, тазарту дәрежесін арттыруға және осының нәтижесінде шығындарды азайтуға мүмкіндік берді. 2009 жылдағы есептік деректер бойынша тазарту нәтижелілігі орта есеппен алғанда 97,6%-ды құрады. Барлық қазандық агрегаттарына батареялық эмульгаторларды орнатқаннан кейін тазарту тиімділігі 99,4%-ға дейін өседі.
  • 2011 жылы өнімділігі 420 т/сағ. болатын ЖЭО-3 кәсіпорнының №1 қазандық агрегатында іске қосып-баптау жұмыстары аяқталды, осының арқасында қыс уақытында бір қазандық агрегатын резервке қалдырып, бес қазандық режимінде жұмыс істеу мүмкіндігіне қол жеткізілді.
  • 2011 жылы ЖЭО-3 кәсіпорнының №1 станциясында №1 турбина агрегаты пайдалануға енгізілді. Турбинаны пайдалануға енгізудің арқасында белгіленген қуат 65 МВт-қа көбейтілді.
  • Станциялардың үшеуінде де (ЖЭО-3, ЖЭО-2, ЭЖЭО) күл үйінділерінің ІІ кезегін жобалау және салу. Сол кездегі күл үйінділері жұмысы ресурстарының шектеулілігі (сыйымдылығының таусылуы), сондай-ақ табиғатты қорғау жөніндегі қолданыстағы заңнаманың талаптары осы жобаны жүзеге асыруға себепші болды.
  • «Павлодар ЭТК» АҚ-да инвестициялар келесідей іс-шараларды іске асыруға бағытталды: электр желілерінде қуатты үнемдеу бағдарламасы, желілерді жөндеу, жаңарту және техникалық тұрғыдан қайта жарақтау жұмыстары, қуат тасымалдаушыларын қадағалаудың және оларды есепке алудың автоматтандырылған жүйесін, жинау және беру жүйелерін жасау және өзге де іс-шаралар.
2012 жылдан бастап 2018 жылға дейінгі кезеңде Павлодарлық ЖЭО-2, ЖЭО-3, Екібастұздық ЖЭО кәсіпорындарында жүргізілетін іс-шаралар

ЖЭО-3 кәсіпорнында:

  • №2 станцияның турбинасын жаңарту;
  • №2 түтін құбырын салу;
  • №7 қазандықты монтаждау;
  • № 7,8станциялардың турбинасын монтаждау;
  • № 4, 5, 6 станциялардың Т-100/120-130 турбиналарын жөндеу (әрі жоғары қысымды орталығын ауыстыру).

ЖЭО-2 кәсіпорнында:

  • ПР-25-90/13 турбинасын жаңартылған ПР-30-90/13турбинасына ауыстыру.

ЭЖЭО кәсіпорнында:

  • ПТ-30типті №2 турбинаны монтаждау,
  • 600 м2 градирняны монтаждау.
«Павлодар ЭТК» АҚ жобалары

«Павлодар ЭТК» АҚ нормативтен асатын шығындардың көлемін азайту жұмыстарын жүзеге асырады, бұл үшін «Жөндеу, жаңарту, техникалық тұрғыдан қайта жарақтау және дамыту жөніндегі «Павлодар ЭТК» АҚ инвестициялық бағдарламасы» жоспары әзірленді. Жүргізіліп жатқан жоспарланған іс-шаралардың нәтижесінде нормативтен асатын шығындардың пайызы төмендеп келеді: 2005 жылы 6,3% болса, 2011 жылы 1,05%-ды құрады.

«Павлодар ЭТК» АҚ инвестициялық бағдарламасының басқа бағыты – қуат тасымалдаушыларын қадағалаудың және оларды есепке алудың автоматтандырылған жүйесін (ҚҚЕАЖ) ендіру. «Павлодар ЭТК» АҚ-да ҚҚЕАЖ жүйесінің бірінші кезегі 2009 жылғы желтоқсан айында енгізілді. Осының нәтижесінде ҚҚЕАЖ жүйесіне 4 шағын станция қосылды.

2012-2013 жылдары ҚҚЕАЖ жүйесінің келесі кезектерін енгізу жоспарының аясында оған 10 шағын станцияны қосу көзделіп отыр. 2012-2013 жылдары «Павлодар ЭТК» АҚ-да тұтынушыларды қуатпен қамтамасыз етуді тұрақтандыруды және аймақтың энергетикалық кешенін дамытуға ұзақ мерзімді жағдай жасауды мақсат және міндет еткен іс-шараларды жалғастыру жоспарланып отыр.

«ПТС» ЖШС жобалары

«Павлодарские тепловые сети» ЖШС инвестициялық бағдарламаның аясында келесі жобаларды орындады. 2011 жылдың қорытындылары бойынша Павлодар қаласында ұзақтығы 4,5 шақырым, жалпы сомасы 1,448 млрд. теңгені құрайтын жылу желілері қалпына келтірілді.

Сөйтіп, 2011 жылға жоспарланған қайта құру жөніндегі іс-шараларды орындау Павлодар қаласының солтүстік бөлігіндегі гидравликалық режимдерді жақсартуға септігін тигізді. Сонымен қатар, жүргізілген қалпына келтіру жұмыстарынан кейін магистральдық құбырлардың өткізу мүмкіндігі «ПАВЛОДАРЭНЕРГО» АҚ-ның ЖЭО-2, 3 кәсіпорындарының қызмет көрсету аймағын ұлғайтуға мүмкіндік тудырып отыр.

Сөйтіп, 2011 жылға жоспарланған қайта құру жөніндегі іс-шараларды орындау Павлодар қаласының солтүстік бөлігіндегі гидравликалық режимдерді жақсартуға септігін тигізді. Сонымен қатар, жүргізілген қалпына келтіру жұмыстарынан кейін магистральдық құбырлардың өткізу мүмкіндігі «ПАВЛОДАРЭНЕРГО» АҚ-ның ЖЭО-2, 3 кәсіпорындарының қызмет көрсету аймағын ұлғайтуға мүмкіндік тудырып отыр.

Инвестициялық бағдарламаның аясындағы төмендегі ең ірі іс-шараларды атап өткен жөн:

  • алдын ала оқшауланған құбырды пайдалану арқылы магистральдық жылу желілерін қалпына келтіру;
  • құбырлардың жылуды оқшаулайтын құрылымдарын (минералды-мақталы төсеніштерді және пенополиуретанды жабындарды) ауыстыру;  
  • технологиялық платформаның және орталық технологиялық платформаның технологиялық үрдістерін жаңарту және автоматтандыру, соның ішінде есепке алу аспаптарын, диспетчерлендіру жүйесін және реттеуші арматураны орнату (тепловизор, дефектоскоп, т.б. жабдық сатып алу).  

2012 жылдан 2018 жылға дейінгі кезеңде «ПТС» ЖШС жылу қуатын тасымалдау барысында жылу шығындарының нормативтен асатын көлемін азайту, кәсіпорын жұмысының тиімділігін арттыру және осының нәтижесінде тұтынушылардың тіршілігіне жайлы жағдайлар жасау жөніндегі іс-шараларды жалғастыруды жоспарлап отыр.